اغير عليك من ضلك
لما افارقك لجل حبك
لما اعيش انا فوق ارادتك
دا يبقي معناه ايه
لما اكون على الشوك بخطى
ولما احبك وبارادتى
ولما اعيش واحلم بحضنك
دا يبقي معناه ايه
ولما احس انى الحبيب
وفي لحظة واحدة اكون غريب
واكون الجرح وانتى الطبيب
دا يبقي معناه ايه
ولما حياتى تكون بايديك
ولما اشوف كل شئ بعنيك
ولما اعيش واموت انا فيك
دا يبقي معناه ايه
لما احبك حب تانى
حب آه قاسي وانانى
ولما اكون عايزك عشانى
دا يبقي معناه ايه
ولما تكونى كل حاجة
وبالنسبة ليا انتى السعادة
انت العمل وانت العبادة
دا يبقي معناه ايه
ولما اسيب الدنيا بحالها
وآجى لعيونك ... ولجمالها
واشكى همومى واشكى حالها
دا يبقي معناه ايه
لما اعيش واموت عشانك
واتمنى اكون في يوم ربانك
واكون الحياه انا بالنسبالك
دا يبقي معناه ايه
ولما لمسة ايديكى تحيينى
ولما تكونى النور لعيونى
ولما اشيلك جوا جفونى
دا يبقي معناه ايه
ولما اكونلك انسان جديد
انسان بقلب مهوش حديد
ويوم لقاكى دا يبقي عيد
دا يبقي معناه ايه
ولما تكون انت الحياه
وانت الهواء وانت المياه
وفي عروقي انت الدماء
دا يبقي معناه ايه
بحبك آه وانت عارف
وبحبى ليك كمان حاسس
وشايف انى بدوب انا فيك
طيب دا يبقي معناه ايه
ولما احبك واموت انا فيك
واموت لو فيه غيرى ف عنيك
ولما اتوه ارجع الاقيك
دا يبقي معناه ايه
لما للحياه تكون سببي
وفي السماء تكون قمرى
وفي الدنيا انت تكون قدرى
دا يبقي معناه ايه
دا يبقي معناه ايه
معناه اقولك انا عليه
انى احبك انت وبس